Түркістан қаласында жаңа саябақтың салтанатты ашылуы өтті. Бұл шара Түркістан қаласының ерекше мәртебеге ие болуы және 1 маусым – Халықаралық балаларды қорғау күніне орай ұйымдастырылды.
Ауқымды шарада Оқушылар сарайының өнерпаздары да өз өнерлерін паш етіп, белсенділік танытты. Талантты оқушыларымыз әсем әнмен көрермен көңілін көтерсе, бишілеріміз сахнада әдемі бимен қуантты.

Сонымен қатар, “Сурет” үйірмесінің жас шеберлері Түркістан облысының әкімі Нұралхан Оралбайұлына өз қолдарымен салған “Тұлпар” картинасын тарту етті.

Ең қуанышты сәттердің бірі – облыс басшысының Оқушылар сарайына күйсандық сыйға тартуы. Бұл біз үшін зор қуаныш пен үлкен құрмет!