Қош келдіңіз!

Әулеттегі достарым! Мен сіздерді Қазақстандық Ұлттық ЮНЕСКО клубтары Федерациясының ресми сайтында көргеніме қуаныштымын! 2009 жылы құрылған кезде Ұйым басшылығы алдына стратегиялық мақсат қойылды - ел аймақтарында клубтық қозғалысты дамыта алатын және ЮНЕСКО бағдарламаларын Қазақстанда жоғары халықаралық деңгейде ілгерілетуге көмектесетін республикалық ауқымдағы қоғамдық бірлестік құру. Бүгінгі таңда алға қойған биік мақсаттарымыз сәтті орындалды деп мақтанышпен айта аламыз. Қазақстандық Ұлттық ЮНЕСКО клубтарының Федерациясы жаһандық қозғалыстың негізгі мүшесі болып табылады. Біз 2016 жылдан 2023 жылға дейін аймақтық Азия-Тынық мұхиты Федерациясына төрағалық еттік және ЮНЕСКО клубтары мен қауымдастықтарының Дүниежүзілік Федерациясының Атқарушы кеңесінің белсенді мүшесіміз. 2023 жылы Қазақстан алғаш рет ЮНЕСКО клубтары мен қауымдастықтарының Дүниежүзілік Федерациясына басшылық етті. Бұл біздің еліміз және әлемдегі ЮНЕСКО клубтық қозғалысы үшін тарихи сәт. 2005 жылы бастау алған сапарымызда 65 белсендісі бар ЮНЕСКО-ның бірінші Клубы осы күнде Қазақстанның түкпір-түкпірін қамтитын 17 000 белсенді мүшеге және 199 Клубқа толықты. Шығармашылық білім беру, мәдени мұра және тұрақты даму саласындағы жобалар жыл сайын еліміздің ғана емес, дүние жүзінің 15 000-нан астам балаларын мен жастарын қамтиды. 2019 жылы Федерация мәдениет пен өнер саласындағы үздік үкіметтік емес ұйым ретінде, ал 2023 жылы тарихи-мәдени мұраны қорғау саласында марапат алды — бұл оның жоғары әлеуметтік маңыздылығын және мемлекет дамуына үлесін тағы бір рет көрсетеді. ЮНЕСКО Клубтары жастардың шығармашылық ерекшеліктері арқылы жеке тұлғалық қасиеттерін дамытуға мүмкіндік береді. Клубтық қозғалыстың қызметіне атсалысу - өнер мен ғылым әлемін ашып қана қоймай, мәдени мұраны сақтауға және Қазақстанның болашақ ұрпақтары үшін тұрақты дамуды ілгерілетуге ықпал етеді. Сіздердің әрбіріңіз өзара түсіністіктің кеңеюіне және ешкімді тасада қалдырмай бірге бейбіт өмір сүруге шақыра отырып, әлем мәдениеті жөнінде кеңінен таратуға, халықаралық гуманитарлық ынтымақтастықты тереңдетуге және толеранттылыққа тәрбиелеу жөніндегі миссиямызға елеулі әсер ете алатыныңызға терең сенімдімін. Өйткені, ең бастысы, болашақ бүгіннен басталатынын ұмытпау керек! Болат Акчулаков,
Қазақстан ЮНЕСКО Клубтарының Ұлттық Федерациясының Президенті