«Ақтау – түркі әлемінің мәдени астанасы 2025» мәдени бағдарламасы аясында «Түркі әлемінің дәстүрлі балалар ойындары» тақырыбында өткен Түркі әлемі жас суретшілерінің халықаралық байқауының қорытындысы шығарылды.

Байқаудың бастамашысы және ұйымдастырушысы ЮНЕСКО клубтарының Қазақстан ұлттық федерациясының қатысуымен ТҮРКСОЙ халықаралық түркі мәдениеті ұйымы болды.
Байқаудың мақсаты – жастардың шығармашылық әлеуетін қолдау және дамыту, балалар мен жасөспірімдердің көркем шығармашылығын насихаттау, сондай-ақ материалдық емес мәдени мұраны сақтау және түркі әлемі елдері арасындағы мәдениетаралық байланысты нығайту.Әр елден келген қатысушылар бейнелеу өнерінің көмегімен өз халқының ұлттық бояуы мен дәстүрлі балалар ойындарын бейнелейтін, олардың тарихи-көркемдік маңызын атап өткен туындыларын ұсынды.

Қазақстан жеңімпаздары:
• 1 орын – Карина Битнер
• 2 орын – Милана Кубекова
• 3 орын – Сағиева Алуа

Байқау финалистері дипломдар мен естелік сыйлықтармен марапатталады, ал үздік жұмыстар байқаудың ресми каталогына енгізіліп, ТҮРКСОЙ іс-шаралары аясында өтетін халықаралық көрмеге ұсынылады.

Жеңімпаздарды марапаттау рәсімі 2025 жылдың тамыз айында Ақтау қаласында өтеді.

Жеңімпаздар мен финалистер тізіміне сілтеме: https://drive.google.com/drive/folders/1cOMHUFAefuj5ltaH19_gnMxPCQ96tNjh?usp=sharing