«Есірткісіз болашақ», «Нашақорлыққа жол жоқ» тақырыптарында асфальтқа сурет салу байқауы ұйымдастырылды. Іс-шараға түрлі үйірмелерден келген оқушылар қатысып, өздерінің жүректерінен шыққан ойларын сурет арқылы жеткізді. Балалар салауатты өмір салтын, достықты, бейбітшілікті және болашаққа деген сенімді бейнелейтін суреттер салды. Бұл байқау арқылы жас ұрпақтың есірткіге қарсы ұстанымы мен шығармашылық ой-пікірі жарқын көрініс тапты.