Алматыда аса көрнекті ақын, композитор әрі айтыс өнерінің шебері Иса Байзақовтың 125 жылдығына арналған қалалық музыкалық конкурсқа өтінімдер қабылдау басталды.

Конкурстың мақсаты - Иса Байзақовтың мұрасын сақтау және насихаттау, дарынды балалар мен жастарды қолдау, сондай-ақ дәстүрлі қазақ музыкалық өнерін дамыту.

Қатысуға Алматы қаласының жалпы білім беретін мектептері, лицейлері, гимназиялары, музыкалық мектептері мен колледждерінің оқушылары шақырылады. Жас санаттары: 12-15 жас және 16-18 жас.

Өтінімдер 2025 жылғы 15 қазанға дейін ОНЛАЙН-ФОРМА арқылы қабылданады.

Конкурстың финалдық кезеңі 2025 жылғы 27–29 қазан аралығында Алматы қаласындағы №83 гимназиясының концерт залында өтеді. Жеңімпаздар дипломдармен және естелік сыйлықтармен марапатталады, барлық қатысушыларға сертификаттар табысталады.

Конкурсты Иса Байзақовтың отбасы мүшелері, Қазақстандық Ұлттық ЮНЕСКО клубтарының Федерациясы, «Көкіл» мектебі – ЮНЕСКО клубы және Алматы қаласындағы №83 гимназиясымен ұйымдастырылады.