Қазақстандық Ұлттық Федерациясы ЮНЕСКО клубтарының Федерациясы өнер арқылы және материалдық емес мәдени мұраны сақтау идеялары негізінде әлемнің түкпір-түкпірінен келген балалар мен жастарды біріктіретін ауқымды мәдени-ағартушылық жоба – THE PLANET OF ART – 2026 халықаралық жастар фестивалінің көркемдік цикліне өтінімдер қабылдаудың басталғанын жариялайды.

2026 жылы фестивальдің көркемдік циклі «ЮНЕСКО-ның материалдық емес мәдени мұрасын сақтау мен ілгерілетудегі әйелдердің рөлі» тақырыбына арналған. Қатысушыларға әйел бейнесін дәстүрлердің, мәдени естеліктердің және халықтардың тірі мұрасының сақтаушысы ретінде шығармашылық тұрғыда зерделеп, оны өз жұмыстарында бейнелеу ұсынылады. Көркемдік бейнелеу арқылы жас авторлар әйелдердің білім, қолөнер, рәсімдер мен мәдени тәжірибелерді ұрпақтан ұрпаққа жеткізудегі маңыздылығын баяндай алады.

Фестиваль Қазақстанның Дүниежүзілік ЮНЕСКО клубтары мен қауымдастықтары Федерациясындағы (WFUCA) төрағалығы аясында ұйымдастырылып, сонымен қатар ЮНЕСКО-ның 80 жылдығы мен WFUCA-ның 45 жылдығына орай өткізіледі.

Қатысуға әлемнің әр түрлі елдерінен 3-тен 18 жасқа дейінгі балалар мен жастар шақырылады. Жас суретшілер бейнелеу және сәндік-қолданбалы өнер бағыттарында шығармаларын ұсына алады, фестиваль тақырыбын ұлттық дәстүрлер, мәдени символдар және көркем образдар арқылы ашып көрсетуге мүмкіндік алады. Өтінімдерді қабылдау ағымдағы жылдың 10 мамырына дейін жалғасады.

Жоба әлеуметтік және білім беру сипатқа ие болып, дарынды балалар мен жасөспірімдерді қолдауға, олардың шығармашылық әлеуетін дамытуға және материалдық емес мәдени мұраны насихаттауға бағытталған. Кең ауқымды халықаралық қатысу арқасында әлемнің ондаған елдерінен келген барлық қатысушылар, соның ішінде шалғай өңірлердегі балалар мен жастар, шығармаларын тегін ұсыну мүмкіндігіне ие болады. Фестиваль жас суретшілерді кәсіби өнер қауымдастығымен және Қазақстанның беделді өнер қайраткерлерімен танысу алаңы ретінде де қызмет атқарады.

Жобаның шарықтау шегі - «Тірі мұра: әйелдердің рөлі» атты тақырыптық көркем альбомның шығуы, оған фестивальдің финалистерінің шығармалары енгізіледі. Жеңімпаздарды марапаттау салтанатты рәсімі 2026 жылғы қыркүйекте Алматы қаласында өтеді, ал қатысушылардың үздік туындылары 2026 жылғы қазанда Париждегі ЮНЕСКО штаб-пәтерінде өтетін халықаралық көрмеде көрсетіледі.

Жоба Қазақстандағы ЮНЕСКО клубтарының Ұлттық Федерациясы тарапынан жүзеге асырылып, Қазақстан Республикасының ЮНЕСКО және ИСЕСКО істері жөніндегі Ұлттық комиссиясы, Қазақстан Республикасының Сыртқы істер министрлігі, Қазақстан Республикасының Білім министрлігі, Қазақстан Республикасының Мәдениет және ақпарат министрлігі және Алматы қаласы әкімдігі қолдауымен өткізіледі.

Қатысу шарттарымен сілтеме арқылы танысуға болады

Ұйымдастырушылардың байланыс деректері:


• +7 700 394 3232
• unescoclubs.kz
• art.kazfuca@gmail.com