KAZENERGY қауымдастығының 20 жылдық мерейтойы мен KAZENERGY-дің XVI Еуразиялық форумын өткізу аясында Қазақстан Республикасының 14-18 жас аралығындағы ЮНЕСКО клубтарының мүшелері болып табылатын жас суретшілерге арналған «Болашақ энергиясы» атты Республикалық сурет байқауына өтінім қабылдау басталды.

Байқау KAZENERGY қауымдастығы мен Қазақстандық Ұлттық ЮНЕСКО клубтарының Федерациясы тарапынан, Қазақстандағы ЮНЕСКО клубтарының қолдауымен ұйымдастырылады. Бұл бастама дарынды жастарды энергия саласындағы тұрақты даму мәселелерін көркем түрде ой елегінен өткізуге және шығармашылық арқылы өз көзқарасын білдіруге ынталандыруды мақсат етеді.

Байқаудың негізгі мақсаты – KAZENERGY қауымдастығының 20 жылдығын мерекелеу аясында ЮНЕСКО клубтарының мүшесі болып табылатын еліміздің шығармашыл әрі дарынды жастарын біріктіре отырып, энергетика саласындағы тұрақты даму бағытында тың идеялар мен жаңа көзқарастарды көркемдік тұрғыда іздеу және бейнелеу.

Байқау ережелерімен келесі сілтеме арқылы таныса аласыз: https://drive.google.com/drive/folders/1oemb_lXMnnAX7nZY00CHeFd3vItN12Qb

Байқау тақырыптары:

• «Еңбек энергиясы» – жұмысшы мамандықтардың маңызы мен ұрпақтар сабақтастығы туралы;
• «Мен – өзгерістер энергиясымын» – Жер шарының болашағына деген жеке жауапкершілік жайында;
• «Қазақстан – Еуразияның энергиясы» – өңірдің энергетикалық қауіпсіздігіне елдің қосқан үлесі туралы.

Қатысушылардан ұсынылған тақырыптарды кескіндеме немесе графика техникасында орындалған көркем жұмыс арқылы бейнелеу талап етіледі. Өтінімдер 2025 жылғы 19 қыркүйекке дейін қабылданады. Байқау жұмыстары (A1 немесе A2 форматындағы түпнұсқа) міндетті түрде қатысушы анкетасы мен келісім формасымен бірге келесі мекенжайға жолдануы тиіс: Алматы қ., Чаплин көшесі, 71 (Бизнес-парк «Станица»), 512-кеңсе.

Үш номинация бойынша жеңімпаздар 2025 жылғы 3 қазанда Астана қаласында өтетін байқаудың қорытынды көрмесі аясында марапаттау рәсіміне шақырылады. Оларға KAZAKHSTAN ENERGY WEEK-2025 / KAZENERGY-дің XVI Еуразиялық форумының құрметті қатысушылары болу мүмкіндігі ұсынылады.

Байқауға қатысу тегін. Жеңімпаздар мен оларды ертіп жүретін тұлғалардың марапаттау рәсіміне баруына байланысты барлық шығындарды ұйымдастырушылар өз мойнына алады.

Жұмыстарды жолдау үшін пошта мекенжайы:
Алматы қ., Чаплин көшесі, 71 (Бизнес-парк «Станица»), 5-қабат, 512-кеңсе
Міндетті түрде «Болашақ энергиясы байқауына» белгісімен жіберілуі тиіс:

Байланыс ақпараты:
Қазақстандық Ұлттық ЮНЕСКО клубтарының Федерациясы
Тел.: +7 700 394 32 32, +7 700 394 32 34
Электрондық пошта: kazfuca@gmail.com