Кентау балалар көркемсурет мектебінің 1-сынып оқушыларын «Жас суретшілер қатарына арнау» іс-шарасы 15.11.2024 ж. Кентау балалар көркемсурет мектебінің Ә. Қастеев атындағы сурет галереясында 1-сынып оқушыларын «Жас суретшілер қатарына арнау» дәстүрлі іс-шарасы болып өтті. Іс-шараға ата-аналар мен оқушылар, ұстаздар қатысты. Салтанатты іс-шараны мектеп директоры Мамбетбаева Х.И. ашып 1-сынып оқушыларын Кентау балалар көркемсурет мектебіне қабылданып, «Жас суретші» атануларымен құттықтап, өздері таңдаған өнер жолында шығармашылық табыстар тіледі. 2024-2025 оқу жылына 1-сыныптарды қабылдаған Кентау балалар көркемсурет мектебінің ұстаздары Павленко И.В., Умаров У.С., Романий О.В., Битұрсынова Ә.Б. және Абдуллаева Н.А. болып бұл іс-шараға жас суретшілерді дайындады. Ұйымдастырылған әртүрлі сайыстарда оқушылар өздерінің бейнелеу өнері туралы білімдерін қылқаламмен, бояулармен қалай жұмыс жасау керектігін көрсетіп, өздерінің «Жас суретші» атағына лайық екендерін дәлелдеді. Көрермендерге балалар көркемсурет мектебінің 1-сынып оқушыларының сурет көрмесі ұсынылды. Мектеп оқушылары өздерінің музыкалық сүйемелдеуімен бұл іс-шараның қызықты өтуіне өз үлестерін қосты.
«Жас суретшілер қатарына арнау» дәстүрлі іс-шарасына келген ата-аналар оқушыларға құттықтау сөздерін айтып, оқуларында үлкен табыстар тіледі. 1-сынып оқушылары арасынан құралған өнерпаздар өздерінің әндерімен, билерімен жиналған қонақтарға жақсы көңіл-күй сыйлады. Іс-шара соңында 1-сынып оқушыларына мектеп директорының оқу жұмысы жөніндегі орынбасары Карибаев А.М. «Жас суретші» сертификатын және естелік медальдарды табыс етті.