«Жастар және мәдени мұра»
конкурсының аяқталуы

            «Жастар және мұра: білу, бөлісу және сақтау»

Қазақстандық Ұлттық ЮНЕСКО Клубтарының Федерациясы «Жастар және мәдени мұра» – Қазақстанда тұрақты туризмді дамыту мен мәдени мұраны сақтау саласындағы жастарға арналған жобасының қорынытындысын жариялады.

2021 жылдың 21 қазанында Алматыда «АлматыБасЖоспар» ғылыми-зерттеу орталығының ғимаратында «Жастар мен мәдени мұра» жобасының ресми жабылу салтанатын өткізілді. Ресми марапаттау сәтіне жобаға қатысқан 178 топтың ішінен үздік деп танылған Қазақстанның әр аймағынан жеңімпаз деп танылған 12 үздік топ шақырылған болатын.

Жеңімпаздар арнайы дипломдарымен марапатталды. Сондай-ақ әр топ жобаның басты сыйлығы, қайталанбас «Киелі оңтүсітк» мәдени-танымдық бағдарламасына қатысу мүмкіндігін ұтып алды. «Киелі оңтүстік» – Қазақстанның мәдени және табиғи мұрасы бай жерлері бар еліміздің оңтүстік өңірінде оналасқан үш қала кіретін танымдық саяхат.

Жеңімпаздардың видео-гидтерін биодағы сілтеме арқылы көруге болады.

Бұл жоба Қазақстан Республикасы Мәдениет және спорт министрлігі, Алматыдағы ЮНЕСКО Кластерлік бюросы, Қазақстан Республикасының ЮНЕСКО және ИСЕСКО істері жөніндегі Ұлттық комиссиясының қолдауымен, және «Kazakh Tourism» ҰК АҚ ЮНЕСКО-ға қатысу бағдарламасы аясында жүзеге асырылып, жастар арасында Қазақстанның мәдени және табиғи мұрасын насихаттауға бағытталған.

Қараша айының соңында «Жастар және мәдени мұра» жобасы аясында әзірленген барлық маршруттарды қамтитын қолданбасы іске қосылады. Бұл қосымша жергілікті және шетелдік туристерге арнайы гидтің сүйемелдеуінсіз Қазақстанның жаңа қалалары мен аудандарын зерттеуге немесе осы маршруттардың авторлары болған қамқор жас жігіттермен байланысуға, аймақты сөзбен және көзқараспен зерттеуге мүмкіндік береді.

Әлеуметтік желілер

ЮНЕСКО клубтарының Қазақстан ұлттық федерациясы © 2021