Жас дизайнерлерге арналған
“Global Nomads Fashion Awards”
алғашқы ашық байқауына өтінімдер қабылдау басталды

«Global Nomads» қазақстандық киім бренді, «Kazakh Tourism» ҰК және Қазақстандық ЮНЕСКО Клубтарының Федерациясымен бірлесіп, Жас дизайнерлерге арналған «Global Nomads Fashion Awards» ашық байқауын ашық деп жариялайды.  

Жобаның өтетін уақыты: 14 қазан 2021 жыл – 10 ақпан 2022 жыл.

«GLOBAL NOMADS FASHION AWARDS» – бұл цифрлық көшпенділер ұғымын түсінетін, өзін солардың қатарына жатқыза алатын, шығармашылық ойлауға ұмтылатын белсенді дизайнерлерге арналған алаң.

Байқаудың басты тақырыбы – өткеннің, бүгін мен болашақтың призмасынан қарастырылатын заманауи көшпенді.

Байқауға ТМД елдерінен 16 жастан 35 жас аралығындағы дизайнерлер, тоқыма суретшілері, графикалық дизайнерлер, цифрлық дизайнерлер және шығармашылық индустрияның басқа шеберлері қатыса алады.

Қатысу тегін.

Жұмыстар бес номинация бойынша қабылданады:

  • Сандық сән;
  • Саяхатқа арналған заттар жиынтығы;
  • Көше стилі;
  • «Футболкалардың дизайны»;
  • «Аксессуарлар мен сувенирлер».

Байқаудың Гран -при жүлде қоры - 1 000 000 теңге.

Басқа сыйлықтар мен марапаттар:

  • Әр номинация бойынша 5 жеңімпаз үшін брендпен ынтымақтастық құру қарастырылған;
  • Қорытынды көрсетілімге қатысу;
  • Байқау серіктестерінің атынан арнайы сыйлықтар;
  • Серіктестердің БАҚ басылымдарында байқау жеңімпаздары туралы мақалалар шығару.

 

Жоба екі бөліктен тұрады: білім беру және шығармашылық байқау. Білім беру бағдарламасына кез келген адам қатыса алады.

 

Жобаның оқу бөлімінде сән индустриясының, туризмнің, тұрақты даму салаларының жетекші сарапшылары қатысады, бұл сізге байқаудың тақырыбын нақтырақ түсініп, талаптарға сай жұмыстар жіберуге мүмкіндік береді. Сонымен қатар, жобаға креативті индустрияның маманы болсаңыз, біліктілігіңізді арттыруға көмектеседі.

Білім беру бағдарламасы Instagram әлеуметтік желісінде тікелей трансляциялар форматында әр бейсенбі сайын сағат 19.00-де өтеді.

Жобаның конкурстық бөлігі бірнеше кезеңнен тұрады: – эскиз бөлігі – 20 желтоқсанға дейін; – өтінімдерді қабылдаудың соңғы мерзімі (шынайы үлгілердің фотосуреттері) – 20 қаңтарға дейін және конкурс нәтижелері 2022 жылдың ақпанында шығарылады.

Жоба, номинациялар туралы толығырақ байқаудың ресми сайтында білуге болады. Жұмыстарыңызды жіберу үшін де байқаудың сайтына өтіңіз.

Жоба тұрақты даму мүдделерін насихаттауға және ата -бабалардың тарихи, мәдени, рухани мұралары мен құндылықтарын халық арасында кең жылжытып, жаңа қоғамдық сананы қалыптастыруға бағытталған.

Әлеуметтік желілер

ЮНЕСКО клубтарының Қазақстан ұлттық федерациясы © 2021