ХАЛЫҚАРАЛЫҚ ФЕСТИВАЛЬГЕ ТІРКЕЛУ АШЫҚ
Қазақстандық Ұлттық ЮНЕСКО Клубтарының Федерациясы «The Planet of ART» халықаралық фестиваліне тіркеу басталғандығын хабарлайды.
Planet of ART – дарынды балалар мен жастарды қолдауға, олардың шығармашылық әлеуетін жүзеге асыруға, фестивальге қатысушы елдердің өнері мен мәдениетінің жан-жақтылығын халықаралық аренада кеңінен насихаттауға, халықаралық мәдени байланыстарды нығайтуға бағытталған жыл сайын өткізілетін жоба.
2022 жылы фестивальдің музыкалық циклі Қазақстандағы Балалар жылына, сондай-ақ БҰҰ-ның Мәдениеттер жақындасуының онжылдығына (2021-2022), ЮНЕСКО клубтары қозғалысының 75 жылдығына, Қазақстанның БҰҰ мен ЮНЕСКО-ға қосылыуның 30 жылдығына және «Рухани жаңғыру» мемлекеттік бағдарламасын жылжытуға бағытталған.
Фестивальге бейбітшілік пен татулық тақырыптарының таңдалуы бекер емес. Оған себеп – бір аспан астындағы түрлі халықтардың, этностардың бір біріне деген сыйластықта, тату-тәтті өмір сүруі арқылы қол жеткізуді көздейтін Қазақстан үшін де, ЮНЕСКО үшін де маңызды болып келетін достық пен келісім идеясы.
Халықаралық фестивальді өткізу Федерацияның негізгі миссиясына сәйкес келеді. Атап айтқанда толеранттылықты, бірлікті, өзара түсіністік пен ынтымақтастықты насихаттауға бағытталған білім беру жобаларын жүзеге асыру, сондай-ақ балалардың, жастардың және барлық адамдар дүние жүзінде басқа ұлттқа құрметпен қарап, бірлесіп тұрақты дамуға ұмтылуға ынталандыратын әлеуметтік бағдарламаларды ендіру.
Жобаға қатысуға Қазақстанның және Арменияның, Әзірбайжанның, Грузияның, Иранның, Қырғызстанның, Ресейдің, Тәжікстанның, Түрікменстанның, Түркияның, Өзбекстанның кез келген жерінен 12 мен 18 жас аралығындағы (қоса алғанда) балалар мен жасөспірімдер шақырылады.
Тек жеке орындаушылар ғана қатыса алады. Қатысу ТЕГІН.
Фестивальге қатысуға өтінімдер 3 негізгі бағыт бойынша қабылданады:
- Вокал;
- Аспаптық жанр;
- Хореография.
Бас серіктес – Еуразиялық Топтың қолдауының арқасында әлеуметтік жағдайына қарамастан барлық балалардың, соның ішінде Қазақстанның барлық аймақтарынан шалғайдағы және ауылдық елді-мекендердің балалары Фестивальге тегін қатысып, 2022 жылдың 15 сәуірі мен 15 мамыры аралығында өтетін аймақтық іріктеу кезеңдерінде өз өнерлерін көрсетуге қала балаларымен тең мүмкіндікке ие болады.
* Нақты күндері, уақыты мен орны көрсетілген іріктеу кезеңдерінің кестесі қосымша жіберілетін болады. Жоба туралы ақпаратты әлеуметтік желілердегі парақшалардан алуға болады (гиперсілтеме https://www.instagram.com/unescoclubskz/).
Бүкіл Қазақстан бойынша өткізілетін іріктеу кезеңінің қорытындысы бойынша «The Planet of ART 2022» халықаралық фестивалінде Қазақстанның атынан шығатын вокалдық, аспаптық және хореографиялық номинациялар бойынша финалистер анықталады.
Барлық елдерден келген фестивальдің финалистері Қазақстанның жетекші әртістерімен шеберлік сабақтары ментренингтерге, бейбітшілік пен толеранттылық мәдениеті бойынша тақырыптық семинарларға қатысуға, сондай-ақ 2022 жылдың 23 шілдесі Ақтөбе қаласында Ғ.Жұбанова атындағы Ақтөбе облыстық филармониясының камералық оркестрінің сүйемелдеуімен өтетін Фестивальдің қорытынды Гала-концертінде өз өнерлерін көрсету мүмкіндігіне ие болады.
Ұйымдастырушылар: Қазақстан Ұлттық ЮНЕСКО Клубтарының Федерациясы
+7(727)394-32-32, +7 700 394 32 32 (Whatsapp бар), art.kazfuca@gmail.com
Қолдау көрсеткендер: ЮНЕСКО және ИСЕСКО істері жөніндегі Қазақстан Республикасының Ұлттық комиссиясы, Алматы қаласындағы ЮНЕСКО-ның Кластерлік бюросы, Қазақстандағы шетелдік дипломатиялық өкілдіктер, Қазақстанның қатысушы елдердегі дипломатиялық өкілдіктері, ЮНЕСКО-ның ассоциацияланған мектептер желісі, «Республикалық білім беру және Қазақстан Республикасы Білім және ғылым министрлігінің Қосымша білім беру әдістемелік орталығы», Ақтөбе облысы және Ақтөбе қаласы әкімдіктері, Федерацияның аймақтық өкілдіктері, Қазақстанның ЮНЕСКО клубтары және басқа да тұрақты серіктестер.