Қазақстандық Ұлттық ЮНЕСКО Клубтарының Федерациясы
«The Planet of ART» музыкалық циклы бойынша
Халықаралық фестиваліне өтінімдерді қабылдау басталғанын хабарлайды (2022 жылдың 30 мамырына дейін).
The Planet of ART – дарынды балалар мен жастарды қолдап, олардың шығармашылық әлеуетін жүзеге асыруға, сонымен қатар фестивальге қатысушы елдердің өнері мен мәдениетінің жан-жақтылығын халықаралық аренада кеңінен насихаттауға, халықаралық мәдени байланыстарды нығайтуға бағытталған жыл сайынғы алаң.
Фестивальдің 2022 жылғы музыкалық циклі Қазақстандағы Балалар жылы мен БҰҰ-ның мәдениеттер жақындасуының онжылдығына (2021-2022), Қазақстанның БҰҰ мен ЮНЕСКО-ға мүше болуына 30 жылдық мерей тойына, ЮНЕСКО клубтары қозғалысының 75 жылдығына, «Рухани жаңғыру» мемлекеттік бағдарламасын насихаттауға арналған.
Сонымен, Фестивальдің басты тақырыбы – Қазақстан үшін де, ЮНЕСКО үшін де басымдық болып табылатын, бір аспан астындағы түрлі халықтардың, этностардың бір-біріне терең құрмет сезімімен бейбіт өмір сүру арқылы қол жеткізілген бейбітшілік пен келісім идеясы.
Жобаға қатысуға Қазақстанда тұратын 12 жастан 18 жасқа дейінгі (қоса алғанда) Армения, Әзірбайжан, Грузия, Иран, Қырғызстан, Ресей, Тәжікстан, Түрікменстан, Түркия, Өзбекстан азаматтары шақырылады.
ҚАТЫСУ ТОЛЫҚТАЙ ТЕГІН.
Қатысуға өтінімдер 3 негізгі номинация бойынша қабылданады:
- Вокалдық;
- Инструменталды жанр;
- Хореографиялық.
Бас серіктес – Еуразиялық Топ пен Эксон Мобил Казахстан Инк. компаниясының қолдауының арқасында барлық балалар әлеуметтік жағдайына қарамастан, соның ішінде Қазақстанның барлық аймақтары мен Фестивальге қатысушы елдердің шалғай аймақтары мен ауылдық жерлерінің балалары қабілеттерін тегін көрсетуге тең мүмкіндіктері бар.
Іріктеу кезеңінің қорытындысы бойынша «The Planet of ART 2022» халықаралық фестивалінде өз елінің атынан шығып, вокалдық, аспаптық және хореографиялық номинациялар бойынша қатысушы арасынан финалистері анықталады.
Барлық елдерден келген фестивальдің финалистері Қазақстанның жетекші әртістерімен шеберлік мастер-класстары мен сабақтарына, бейбітшілік пен толеранттылық мәдениеті бойынша тақырыптық семинарларға қатысуға, сондай-ақ Фестивальдің Ақтөбе қаласында Ғ.Жұбанова атындағы Ақтөбе облыстық филармониясының камералық оркестрінің сүйемелдеуімен 23 шілде 2022 жылы өтетін қорытынды Гала-концерт аясында өз өнерлерін көрсетуге мүмкіндік алады.