ТҰРАҚТЫЛЫҚТЫҢ БАСТАУЫ - ӨЗІМІЗ
республикалық трансформация марафоны

Әлемде шамамен 7 миллиард адам тұрады, бірақ табиғи ресурстар шектеулі екенін ұмытпау қажет. Осы жағдайларда адам баласы бірге өмір сүруді және Жер бетінің кез келген жерінде қазір жасап жатқан әрекеттерінің әлемнің басқа бөліктеріндегі адамдардың өміріне және болашақ ұрпаққа әсер етуі мүмкін екенін түсінуге негізделген саналы, жауапты шешімдер қабылдауды үйренуі керек.

Қазіргі уақытта білім берудің, ағартушылық жұмыстардың маңызы туралы, қоғам дамуындағы жетекші рөлі бүкіл әлемде маңызды.

Білім – адамзат қоғамдастығындағы прогрестің басты факторы. Атап айтқанда, Тұрақты даму үшін білім беру (ESD) тұрақты әлем мен қоғамдар үшін құндылықтарды, білімдерді, дағдылар мен құзыреттерді қамтамасыз етудің маңызды миссиясына ие.

Тұрақты даму мүддесіне сәйкес білім беру аясындағы марафон өмір сүру салтында тұрақты өзгерістердің орын алуын қамтамасыз етуге қабілетті және қатысушылардың менталды және физикалық денсаулығына, дұрыс тамақтану мен мінез-құлқына деген жаңа көзқарасты дамытуға бағытталған.

Жобаны Алматыдағы ЮНЕСКО Кластерлік бюросының және «ECOJER» өңірлік экологиялық бастамалар қауымдастығының қолдауымен Қазақстан Ұлттық ЮНЕСКО Клубтарының Федерациясы жүзеге асырды.

Бір айдың ішінде жобаға қатысуға Қазақстанның түкпір-түкпірінен 12 мен 45 жас аралығындағы 1400-ге жуық қатысушы өтініш білдірген. Сонымен қатар, жобаның онлайн форматы мен қатысудың тегін болуы Қазақстанның барлық аймақтарын және ауылдар мен қалалардың барлығын, әртүрлі кәсіп пен қызығушылықтары бар адамдарды қамтуға мүмкіндік берді.

Бұл жоба өткен жылы жүзеге асырылған «Менің қалдырған эко-із» марафонының жалғасы. Биыл ұйымдастырушылар қатысушылардың жасын 45 жасқа дейін ұлғайту және қоршаған ортаны қорғау тақырыбымен дұрыс тамақтану, физикалық және психикалық денсаулық тақырыптарын одан әрі қамту туралы шешім қабылдаған. Кешенді білім беру арқасында, өмірдің әртүрлі салаларындағы дағдыларын өзгерту арқылы ғана жақсы нәтижеге қол жеткізіп, жеке бір адамның өміріне әсер ету арқылы толық қоғамның тұрақты дамуы туралы ой қозғауға болады.

Жоба оқу және практикалық бөлімдерден тұрды. Таңдалған өзекті тақырыптар бойынша әртүрлі сарапшылар мен өз саласының мамандарын тыңдай отырып, қатысушылар даму үшін барлық қажетті білім мен дағдыларды алуға мүмкіндік алды. Ал жобаның тәжірибелік бөлігінде қатысушылар күнделікті үй тапсырмаларын орындап,  күнделікті өмірлеріне жаңа әдеттерді кіріктіріп, әлеуметтік желілердегі парақшаларына есеп үктеп отырды. Жобаның амбассадорлары – экобелсенділер, спортшылар, психологтар және инфлюинсерлер өз өмірлік тәжірибелерімен, марафонға қатысушыларды  ынталандырды, өзгеруге деген құлшыныстарын оятты.

Жеңімпаздар апта сайын анықталды, олар есептерге шығармашылық көзқараспен және белгіленген мерзімге ерекше жауапкершілікпен ерекшеленді, барлық тапсырмаларды орындады. Жеңімпаздар уақытында әр аптаның 13 жеңімпазы осылай анықталды.

Сонымен қатар, жобаның тәрбиелік бөлігіне қатысып, бүкіл марафонды соңына дейін жүріп, ерекше белсенділік пен белсенділік танытқан 36 жеңімпаз анықталды. Марафонға қатысушылар өмірлерінің түбегейлі өзгергенін, мінез-құлқы, ой-өрісі, өмір салты өзгергенін айтады. Біреу вебинарлардың маңыздылығы мен пайдасын түсінгендіктен, спортқа деген көзқарасын қайта қарап, үнемі жаттыға бастады. Ал біреу диетаны, азық-түлік пен қажетті заттарды сатып алу тәсілін қайта қарады. Басқалары қалдықтарды сұрыптау туралы ойлана бастады немесе қалдықтардың бір немесе барлық түрлерін сұрыптауға кірісті.

ҚАТЫСУШЫЛАРДЫҢ ПІКІРІ

«Мен күнделікті өзіме пайдалы болатын әдеттерді бойыма сіңіріп, жаттығуымды тоқтатпастан, күнделікті 1000 қадам жаяу жүріп жүрмін. Таза ауада серуендеп, табиғи суды лимонмен ішуді күнделікті дағдыма енгіздім. Осындай марафонның қатысушысы болғаныма қуаныштымын. Ендігі кезекте сіздердің клубтың мүшесі болуды ұйғардым. Қазіргі уақытта айналамдағы адамдарға, студенттерге сіздердің клубтарыңыз жайлы ақпараттарыммен бөлісіп жүремін. Оларда қызығушылық білдіріп жүр.»

Мамешова Саят, г. Тараз

«Соңына дейін жеткеніме өте қуаныштымын. Бұл менің екінші марафоным және жеңімпаз атандым. Ұйымдастырушылар мен сарапшыларға өз атымнан алғыс айтамын. Үлкен рахмет. Өткен марафонмен салыстырғанда бұл марафон мен үшін өте пайдалы болды, жаңа ақпарат көп болды. Мысалы, «Психология» тақырыбы мен үшін қызық болды,  тапсырмаларды орындау өте қызықты болды. Бүкіл марафон стресссіз өтті. Түсінбеген тақырыптар болса, сарапшылардың видеосын көрдім. Барлық қатысушыларды құттықтаймын. Біз үлкен өзгерістерге бастар жолға тұрдық. Мен қазірдің өзінде өзімнің және мінез-құлқымның өзгерістерін байқап жүрмін. Олар менің өмірімнен орын алып, күнделікті  әдеттерге айналады деп үміттенемін.»

Илья Денисенко, г. Ақтөбе

«Марафон мен үшін өте пайдалы болды. Экологияны қорғауға өз үлесімізді қосуға, өзімізді дамытуға және рухани өсуімізге арналған даңа әрі тын ақпараттар алдым. Эфирлерден алған жаңа білімдерім күнделікті өмірде өз пайдасын тигізді. Болашақта да осы материалдарды қолданамын. Басқада қатысушылардың постары мені жігерлендіре және жаңа ой туғызып, тапсырмаларға басқа қырынан қарауға көмек берді.

Сіздердің ұжымдарыныз үлкен алғысымды білдіргім келеді. Бізге өзімізді дамыту үшін берген мүмкіндіктерінізге де рахмет!!!»

Бақытхан Фатима

Әлеуметтік желілер

ЮНЕСКО клубтарының Қазақстан ұлттық федерациясы © 2021