Қазақстан Республикасы Тәуелсіздігінің 30 жылдығына және Семей ядролық полигоны жабылуының 30 жылдығына арналған «30 ЖЫЛ БЕЙБІТШІЛІК ЖОЛЫНДА» Республикалық акция
Бүгінде Қазақстан ядролық қауіпсіздікті сақтауға және қоғамның тұрақты дамуы үшін ынтымақтастыққа ықпал ететін жаһандық бастамалардың көшбасшысы болып табылады және біздің ортақ міндетіміз – тарихи тұлғалардың өмірлік қағидаттарын қазіргі заманмен байланыстыру, Қазақстанды ең дамыған елдердің қатарына қосу.
Қазақстандық ЮНЕСКО Клубтарының Федерациясы, ЮНЕСКО қамқорлығындағы Халықаралық мәдениеттерді жақындастыру орталығы, «Невада-Семей» халықаралық антиядролық қозғалысы және Қазақ ұлттық хореография академиясы қолдауымен жастарға арналған білім беру-ағарту жобасын жариялайды.
Бұл ерекше жобада қатысушылар сол сұрапыл күндер туралы толық тарихи ақпаратты, еліміздің қауіпсіздік пен ынтымақтастық саласындағы жаһандық бастамалары туралы білімдерін арттыра алады. Жоба бірнеше кезеңнен тұрады, біріншісі – білім беру кезеңі.
«30 ЖЫЛ БЕЙБІТШІЛІК ЖОЛЫНДА» атты Республикалық сынып сағаттар аясында оқушылар мен студенттерге сол жылдарда болған оқиғаларды ақпаратты қамтыған бейнежазбаларды көру мен оларды талқылауды қарастырады. Сондай-ақ ядролық сынақтардан азат әлемнің маңыздылығы туралы көзқарастық қалыптастыруға бағытталған.
Назар аударыңыз! Сынып сағаттар 2021 жылдың 11-12-13 мамырында өткізілуі тиіс. Тақырыптық бейнелер төмендегі сілтеме бойынша қолжетімді.
Іс-шара нәтижесінде мектеп мұғалімдері, колледж бен жоғары оқу орындардың оқытушылары kazfuca@gmail.com поштасына «30 ЖЫЛ БЕБІТШІЛІК ЖОЛЫНДА» сынып сағатының есебі» тақырыбымен өткізілген шараның есебін 2021 жылдың 20 мамыры сағат 18.00-ге дейін жіберуі керек.